,,იოგა” ჯანსაღი ცხოვრების წესი


      რა არის იოგა?
„იოგა“ სანსკრიტული სიტყვაა და ფართო მნიშვნელობით ნშნავს კავშირს, ერთობას, გონების კონცეტრირებას, ძალას, მაშასადამე ყველაფერს ერთად თავმოყრილს, რაც ადამიანის სრულყოფისათვის აუცილებელია.
იოგების მოძღვრება მეცნიერებაა, ხოლო იმათ, ვინც ამ მოძღვრებას მისდევს, ეწოდებათ „იოგები“. იოგას არავითარი კავშირი არ აქვს რომელიმე რელიგიასთან ან ეროვნებასთან, ამიტომ მისაღები და სასარგებლოა ყველასათვის. იოგა ფიზიკური და სულიერი კულტურის სისტემაა. ის ადამიანები, რომლებიც იოგას ფილოსოფიით არიან გატაცებულნი და ამ სისტემით ხელმძღვანელობენ, სხვებისაგან განსხვავდებიან, გამოირჩევიან ჯამრთელობით და დღეგრძელობით. მაგალითად, ერთ–ერთი იოგისტი კრიშნა კუვალაინანა შესანიშნავად გამოიყურებოდა მის ასაკთან შედარებით, სპორტული მიხვრა–მოხვრით 60–65 წლის მამაკაცს ჰგავდა. არადა უკვე 126 წლის იყო.
 იოგის მოძღვრების დედააზრი მოკლედ შეიძლება შემდეგნაირად გამოვხატოთ: იოგა სიცოცხლის ხელოვნებაა. მაგრამ ამჯერად მხედველობაში გვაქვს არა მხოლოდ სიცოცხლე, არამედ გონიერი, ჯანსაღი და დღეგრძელი სიცოცხლე      
  სუნთქვა
ვიდრე ვარჯიშს დავიწყებდით, სწორი სუნთქვა უნდა ვისწავლოთ. ცხვირით სუნთქვა სწორი სუნთქვის პირველი და მნიშვნელოვანი ფაქტორია, ცხვირით სუნთქვას ის უპირატესობა აქვს პირით სუნთქვასთან შედარებით, რომ ამ გზით ფილტვებში მოხვედრილი ჰაერი ცხვირის ღრუს ლორწოვანი გარსის სისხლძარღვთა მდიდარი ქსელისა და ბუსუსების საშუალებით თბება და იწმინება. ცხვირით სუნთქვა აქტიურად მონაწილეობს თავის ტვინის სისხლის მოძრაობის რეგულაციაში.
ვარჯიშის უფრო მარტივად ასათვისებლად სასურველია, თუნდაც ელემენტარული წარმოდგენა ფილტვების აღნაგობის შესახებ. როდესაც ჩვენ ჩავისუნთქავთ, ჰაერი გადადის ცხვირიდან ყელში ჩადის ტრაქეაში, რომელიც გაყოფილია ორ ბრონქად–მარცხენა და მარჯვენად. ფილტვებსთან მისვლისას მარჯვენა ბრონი იყოფა სამ ტოტად, მარცხენა კი ორად,რომლებიც შემდეგ იყოფიან ხისმაგვარად უფრო წვრილ განტოტებად, რომელთაც ბრონქიოლები ეწოდებათ. როდესაც ბრონქიოლების დიამეტრი ახწევს 0,3–0,4 მმ–ს, მათ ტერმენალურ ბრონქიოლებს უწოდებენ. ტერმენალური ბრონქიოლები განტოტვილია კიდევ 4–5 რესპირატორულ ბრონქიოლებად. რესპირატორული ბრონქიოლი იძლევა 5–6 გასასვლელს, რომელთაგან თითვეულს თავის მხრივ გააჩნია 3–6 განტოტება, რომელთაც ალვეოლური ტომსიკები ეწოდებათ და ისინი მოფენილნი არიან ფილტვებისეულ ბუშტულაკებად–ალვიოლებად.თითოეული ალვეოლური ტომსიკა ივსება ჰაერით, რომლიდანაც ჯანგბადი კედლის საშუალებით შეახწევს ფილტვების კაპილარებში. ამგვარად , სისხლი ღებულობს ჯანგბადს და გამოყოფს ნახშირორჯანგის გაზს, რომელიც წარმოიქმნება ჯანგვის პროცესის შედეგად.
ნორმალირად მოდუნებულ მდგომარეობაში პირდაპირ დგომის დროს ვასრულებთ ერთმანეთთან დაკავშირებული სამი ფაზისაგან შედგენილ ჩასუნთქვას.
1–ლი ფაზა: დაბლა დავუშვებთ დიაფრაგმას,ნელა გამოვბერავთ მუცელს ისე, რომ კი არ ჩავისუნთქავთ, არამედ ჰაერს მივცემთ საშუალებას თავისუფლად შევიდეს ფილტვებში.
მე–2 ფაზა: ვაფართოებთ ქვედა ნეკნებს და გულმკერდის შუა ნაწილს ისე, რომ ჰაერი ნელა მიემართება ფილტვების შუა ნაწილში.
მე–3 ფაზა: გულმკერდს მთლიანად ვაფართოებთ და გამოვბერავთ. ამ მოძრაობით ჩავისუნთქავთ იმდენ ჰაერს, რამდენიც ჩაეტევა ჩვენს გაბერილ გაფართოებულ ფილტვებში.
ამ ვარჯიშებს ვაკეთებთ ერთი წუთის განმავლობაში ჭამამდე ნახევარი საათით ადრე, და ყოველი ხუთი დღის შემდეგ ვუმატებთ თითო წუთს.
ვინც სისტემატიურად ასრულებს იოგების ვარჯიშებს, თითქმის არასოდეს ცივდება, არ ემართება ფილტვების ანთება, კატარი,სასუნთქი გზების ანთბა.

მოსამზადებელი ვარჯიშები

სწორი სუნთქვის დაუფლების შემდეგ საჭიროა მოსამზადებელი ვარჯიშების შესწავლა, რათა ორგანიძმი მოვამზადოთ ასანების შესასრულებლად.

           მაჯისა და ტერფის ტრიალი
მეთოდი: სწორად დადექით, მარჯვენა ხელის იდაყვი დაადეთ მარცხენა ხელისგულს და მარჯვენა ხელის მტევანი ატრიალეთ ირგვლივ 5–ჯერ მარჯვნივ, 5–ჯერ მარცხნივ. იგივე გაიმეორეთ მეორე ხელით (სურ. 1)
  მხრების ტრიალი
სწორად დადექით, ფეხები გაშალეთ მხრების სიგანეზე, ხელის თითები დაადეთ ლავიწის ძვლებს,ხელის მტევნები და იდაყვები შეაერთედ, იდაყვები გაშალეთ და ატრიალეთ ისე, რომ ხელის თითები ლავიწის ძვლებს არ მოაცილოთ. იდაყვის მაღლა ატანის დროს ჩაისუნთქეთ, დაშვების დროს ამოისუნთქეთ. ვარჯიში შეასრულეთ 5–5 ჯერ ორივე მხარეს. (სუ 2, 3).
      წინ და უკან გადახრა
მეთოდი. ფეხები გაშალეთ მხრების სიგანეზე. დაიხარეთ წინ და ამოისუნთქეთ, ხელის თითები გადააჭდეთ ერთმანეთს, ნელ–ნელა გაიმართედ და თან ჩაისუნთქეთ. ეცადეთ ხელები ტანს ააყოლოთ. ხელები აიტანეთ მაღლა, გადაიტანეთ ზურგს უკან, თითები ისევ გადააჭდეთ ერთმანეთს და გააკეთეთ სამი ქანი, თან ამოისუნთქეთ, გაიმართეთ,ჩაისუნთქეთ და წინ გადაიხარეთ, ამოისუნთქეთ. ვარჯიში 5–ჯერ შეასრულეთ.(სურ. 4,5,6,7).
                ზედა სხეულის გვერდზე მობრუნება და ზედა
                       ტანის ტრიალი.
მეთოდი. სწორად დადექით. თავზე შეომიდეთ ხელები, ზედა ტანი მოატრიალეთ მარჯვნივ და ამოისუნთქეთ. დაუბრუნდით საწიყს მდგომარეობას. ჩაისუნთქეთ და მიატრიალეთ მარცხნივ.ამოისუნთქეთ და დაისვენეთ. ვარჯიში შეასრულეთ 4–4 –ჯერ.
ფეხები გაშალეთ მხრების სიგანეზე. ხელის თითები გადააჭდეთ ერთმანეთსდა შემოიდეთ თავზე, როგორც სურათზე. ტანის ზედა ნაწილი ატრიალეთ ჯერ ერთ, შემდეგ მეორე მხარეს, გაუჩერებლივ 4–4–ჯერ. სუნთქვა არ შეაკავოთ. (სურ. 8, 9, 10, 11).
იოგათა ვარჯიშები (ასანები) შეუძლიათ შეასრულონ როგორც ახალგაზრდებმა , ასევე ხნიერებმა. მხოლოდ საჭიროა ყურადღებით შევარჩიოთ იოგათა ვარჯიშები ადამიანთა ასაკის მიუხედავად. ამასთან აუცილებელია გათვალისწინებულ იქნეს ადამიანთა გულის მოცულობა.

 ფიქრის (აზროვნების) პოზები
ავღწერთ რამოდენიმე ყველაზე საჭირო და ძირითად პოზას. ყველა პოზაში საჭიროა ჯდომა. მხოლოდ ამით შეიძლება კონტროლი გავუწიოთ პოზას და გადავიდეთ სუნთქვის რეგულირებაზე. რაც უფრო მყარია პოზა, მით უკეთესია აზრების თავმოყრა. თუ შეძლებთ თუნდაც 15 წუთი დაჰყოთ პოზაში, მაშინ აზრების მოკრება გაგიადვილდებათ.
თუ პოზა მიიღეთ, იფიქრეთ ასე: მე ურყევი ვარ, არაფერს შეუძლია ჩემი განძრევა და…
ამ პოზაში ცოცხალ ქანდაკებას დაემსგავსებით.

          ლოტოსის პოზა პადმასანა
ეს იოგების ცნობილი პოზაა. მარჯვენა ტერფი დაიდეთ მარცხენა ბარძაყის ზედა ნაწილზე, შემდეგ კი მარცხენა ტერფი–მარჯვენა ბარძაყზე.ხელები თავისუფლად დაიწყვეთ მუხლებზე ისე, რომ ხელისგულები მუხლებს მალავდნენ ან ზევით იყოს მიმართული.(სურ.12)
      ჰარმონიული პოზა
მარჯვენა ფეხი გაჭიმულია, მარცხენა მოხრილი და მარჯვენაზეა გადატარებული, ხელების თითები ერთმანეთზეა გადაჭდობილი, მათ მარცხენა ფეხის მუხლი უჭირავთ. ტანის ზედა ნაწილი გასწორებულია, იგი თავისუფალია, მოშვებულია. (სურ. 13)
ეფექტი. ეს პოზა ხელს უწყობს საჭმლის მონელებას, აძლიერებს ჭამის მადას, განამტკიცებს ნერვულ სისტემას.
          „თავზე დგომა“ (სირშასანა)
         ამ პოზას ყველა პოზის მეფეს უწოდებენ.
გაშალეთ ოთხად დაკეცილი ზეწარი ის არ უნდა სრიალებდეს. დაეშვით მუხლებზე, გადააჭდეთ ხელების თითები ერთმანეთს. ხელების ქვედა ნაწილი დააწყვეთ იატაკზე, 
გადახარეთ თავი ისე , რომ ხელები კეფაზე დაიწყოთ. ასწიეთ ფეხები და ვერტიკალური მდგომარეობა მიაღებინეთ მათ. დასაწყისისათვის პოზაში მხოლოდ რამოდენიმე წამით დარჩით. შემდეგ კი დრო გაადიდეთ 20–30 წუთით. დამავრებისას ფეხები ნელა დაუშვით. ყველა მოზრაობა ნელა უნდა შეასრულოთ, აუცილებლად ცხვირით ისუნთქეთ, უმჯობესია ივარჯიშოთ დილით ცარიელ კუჭზე. (სურ.14, 15.)
პირველი ვარჯიშის დროს შეიძლება თავბრუ დაგეხვეთ, მაგრამ განაგრძეთ ვარჯიში–იგი მალე გაგივლით. პოზის შემდეგ ძალიან მალე ნუ ადგებით, ამან შეიძლება გულის დატვირთვა გამოიწვიოს. დაწექით, 5 წუთი დაისვენეთ. ამის შემდეგ შგიძლიათ ერთი ჭიქა რძე დალიოთ.
ეფექტი: თავზე დგომა აძლიერებს ტვინის მუშაობას, ის გრავიტაციული (მიზიდვის) ძალების წინააღმდეგ მოქმედებს, ანვითარებს მეხსიერებას, არეგულირებს სუნთქვას. ეს პოზა განსაკუთრებით სასარგებლოა იმათთვის, ვისაც დაძაბული გონებრივი მუშაობა უხდებათ.
„თავზე დგომა“ მრავალი დაავადების საწინააღმდეგო საშუალებაა. ის წმენდს სისხლს, აძლიერებს ნერვების აქტიურობას. დადებითად მოქმედებს თვალის, ცხვირის, ყელის, თავის, კუჭ–ნაწლავის, ღვიძლის,ელენთის,ფილტვების,სასქესო ორგანოთა დაავადებებზე, აუმჯობესებს საჭმლის მონელებას.

დამხმარე ლიტერატურა: ალექსი იაკობაშვილი ,,იოგა ჯამრთელობის სამსახურში.

Posted on February 28, 2012, in თემები, ჯანსაღი ცხოვრების წესი. Bookmark the permalink. 6 Comments.

  1. magariaaaaaaaaaaaaaaaaaaaaaa

  2. magari ragac aris es ioga

  3. დანარჩენი იოგას ვარჯიშები სად ვნახოთ?

  4. magari postiaa maladec….

  5. zalian didi madloba zma erti welia vezeb iogis varjishebs internet sivrceshi qartulad ver vnaxe da didi madloba zma jigari xar… yovel diit vivarjisheb/

%d bloggers like this: