„წარსული მკვიდრი საძირკველია აწმყოსი“

9 მაისს, ოთხშაბათ დღეს ქალაქ ზესტაფონის №6 საჯარო სკოლის სამოქალაქო განათლების კლუბი „ფინიკი“ შეუდგა პროექტის განხორციელებას, სახელწოდებით „წარსული მკვიდრი საძირკველია აწმყოსი“. რომელიც ხორციელდება ქუთაისის განათლების განვითარების და დასაქმების ცენტრის ,,სამოქალაქო განათლების და პედაგოგთა გადამზადების პროგრამის” ფარგლებში, რომელიც ხორციელდება ამერიკული ორგანიზაცია PH-international-ის მიერ – აშშ საერთაშორისო განვითარების სააგენტოს (USAID) ფინანსური მხარდაჭერით.

          პროექტის ხელმძღვანელი: ბესიკი ექსეულიძე
პროექტის განხორციელებში აქტიურ მონაწილეობას იღებდა ინკლუზიური განათლების საჭიროების მქონე მოსწავლე გოჩა ჩაფიჩაძე, რომელსაც თავისუფლად გადაადგილება არ შეუძლია, ასევე პროექტის განხორციელებაში ჩართული იყო №6 საჯარო სკოლის დირექცია, ზესტაფონის მუნიციპალიტეტი, მხარეთმცოდნეობის მუზეუმის ადმინისტრაცია და ტელეკომპანია „არგო“.
პროექტის მთავარი მიზანია ქალაქ ზესტაფონში არსებული: ციხე-დარბაზ შორაპნის, ტაბაკინის მონასტრის, მხარეთმცოდნეობის მუზეუმის, უშანგი ჩხეიძის სახლ-მუზეუმის პოპულარიზაცია და საზოგადოებისთვის გაცნობა.
ბავშვებმა მომზადეს ინფორმაცია ძეგელბის შესახებ, მოვინახულეთ ყველა ეს ღირსშესანიშნავი ადგილი, აღვწერეთ, გადავიღეთ ფოტო და ვიდეო მასალა, ასევე დავასუფთავეთ ციხე-დარბაზ შორაპნის მიმდებარე ტერიტორია, რაშიც დაგვეხმარა ქალაქ ზესტაფონის მუნიციპალიტეტი, რისთვისაც დიდი მადლობას მოვახსენებთ მათ. პროექტის განხორციელების მსვლელობას აქტიურად აშუქებდა ტელეკომპანია „არგო“

ნარკომანია

წარმოგიდგენთ ნარკომანიის თემაზე შექმნილ ვიდეო რგოლს

ნაადრევი ქორწინება

ქორწინება ერთ–ერთი ყველაზე მნიშვნელოვანი მოვლენაა ნებისმიერი ადამიანის ცხოვრებაში.
ის მოასწავებს სრულიად ახალი ცხოვრების დასაწყისს,როცა ორნი თავიანთ ბედს უკავშირებენ ერთმანთს. ქორწინება ესაა ვალდებულება მთელი სიცოცხლის მანძილზე.ეს არის ქალისა და მამაკაცის საპასუხისმგებლო გადაწყვეტილება.დაქორწინება ადვილია,ბედნიერი და იღბლიანი ოჯახის შექმნა–ძნელი.ასეთ საქმეში მარტო გამართლების იმედზე ყოფნა არ შეიძლება.

როდესაც ორ ადამიანს ერთმანეთი უყვარს,ბუნებრივია,მათ ერთად ყოფნა და ერთ ჭერქვეშ ცხოვრება სურთ.მაგრამ ის რაც სიყავრული გვგონია, ხშირად უბრალო გატაცება აღმოჩნდება ხოლმე და კიდევ უარესი,თუ ეს ქორწინების შემდეგ გამომჟღავნდება. ნაჩქარევად შექმნილი ბევრი ოჯახი დროის გამოცდას ვერ უძლებს და მალე ინგრევა.
შექმნას თუ არა ოჯახი ეს ახალგაზრდის გადასაწყვეტია,თუმცა გადაწყვეტილების მიღების დროს სასურველი და აუცილებელიც კი არის,რომ მან გაითვალისწინოს შეძლებს თუ არა გაართვას თავი იმ მოვალეობებსა და ვალდებულებეს,რაც ოჯახის შექმნის შემდეგ დაეკისრება,არის თუ არა მზად ფიზიკურად და მორალურად ამ ნაბიჯის გადასადგმელად.
მოზარდები სანამ ოჯახს შექმნიდნენ ორივე მათგანი დამოუკიდებლად წყვეტდა და ფიქრობდა.ახლა კი ერთად მოუწევთ ფიქრი,მსჯელობა და გადაწყვეტილებების მიღება. ეს გარკვეული დისკომფორტია რომელიც მოთბინებას და დათმობაზე წასვლის უნარს მოითხოვს.ამ ყველაფრის შესრულება არც თუ ისე იოლია.ისიც ცხადია,რომ ზრდასრულ ფსიქოლოგიურად მომწიფებულ ადამიანს უფრო შეუძლია პასუხისმგებლობის აღება ვიდრე ახალგაზრდას,რომელსაც ქორწინება უპირობო ბედნიერება ჰგონიათ.
სტატისტიკა უჩვენებს, რომ განქორწინების რიცხვი,5–ჯერ უფრო მეტია იმ წყვილებს შორის, რომლებმაც ოჯახი ადრეულ ასაკში შექმნეს.
დამტკიცებულია რომ წყვილს დაქორწინებამდე ორი წელი მაინც უნდა ჰქონდეთ ურთიერთობა.

რატომ დგავენ მოზარდები ასეთ ნაბიჯს ნაადრევად?
1. იმიტომ რომ მათ არ აქვთ მიზანი ცხოვრებაში.
2. ფიზიკური ლტოლვის გამო.
3. მათ არ იციან ქორწინების არსი.
4. ოჯახური პრობლემების გამო.
5. მათ ჰგონიათ რომ შეძლებენ დამოუკიდებლად ცხოვრებას.

რატომ ინგრევა ასეთი ოჯახები?
1.ისინი მარტოობისაგან თავის დასაღწევად.
2. მათ არ შეუძლიათ ოჯახის უზრუნველყოფა.
3. არ აქვთ გაცნობიერებული რას აკეთებენ.
4. ეცვლებათ ფასეულობები.
5. ხშირად ვაჟის აგებული მიერ აგებული „კოშკები“ ,რომელიც ოჯახის შექმნის შემდეგ ინგრევა.

კონფლიქტი

კონფლიკქს ვუწოდებთ სიტუაციას, რომელშიც მხარეების პოზიციები შეუთავსებადი ან შეურიგებელია, ანდა მხარეები აღიქვამენ მათ ასეთად.

სხვადასხვა ადამიანებს განსხვავებული მიზნები და ინტერესბი ამოძრავებთ. ამიტომ იქმნება კონფლიკტის წარმოშობის პოტენციური  შესაძლებლობა და მის გასაღვივებლად მცირე ნაპერწკალიც საკმარისია.

კონფლიქტში,  როგორც წესი, ორი მხარე მაინც მონაწილეობს. ისინი ცდილობენ მიაღწიონ მიზანს, დავრკოლებად კი ერთმანეთი მიაჩნიათ-ერთმანეთს აღიქვამენ მოწინააღმდეგედ, ზოგჯერ მტრებადაც.

 

კონფლიქტურ სიტუაციებში ირღვევა კომუნიკაციები. მხარეები უპირისპირდებიან ერთმანეთს. მოსალოდნელია ურთიერტობათა სრული გაწყვეტა. ურთიერთდაპირისპირება ბევრ დროსა და ენრგიას მოითხოვს , რაც ხელს უშლის სწორი ნაბიჟების გადადგმას. კონფლიკტებს ვერ გავექცევით, თუმცა მათი მართვის შემთხვევეაში, კონფლიკტი შეიძლება სასარგებლოც იყოს.

ჩვენ საზოგადოებაში არსებობს კონფლიქტების მოგვარების ოფიციალური სისტემები, როგორიცაა სასამართლო, პოლიცია, ადვოკატთა სისტემა… გარდა ამისა, მხარეები ზოგჯერ საზოგადოებაში ჩამოყალიბებულ არაოფიციალურ  სისტემებსაც მიმართავენ. ასეთ არაოფიციალურ  სისტემას წარმოადგენდა მაგალითად,  საქართველოს  მთიან მხარეში მოქმედი ხევისბერობის ინსტიტუტი, კრიმინალ სამყაროში პოპულალური და მიღებული სტრუქტურა ანუ კრიმინალური ავტორიტეტის მიერ „საქმის გარჩევა“ და სხვა.

კონფლიქტის მოსაგვარებლად განსხვავებულ გზებს ვიყენებთ. თუ ჩვენს ქცევას სასურველი შედეგი არ მოჰყვა,  ვცდილობთ შევცვალოთ ქცევის სტრადეგია.

პრობლემურ სიტუაციაში, როდესაც მოგვარების მეთოდსა თუ  ხერხს ვირჩევთ, ორი რამ  შეიძლება იყოს მნიშვენელოვანი და გადამწყვეტიც კი : ერთი მხრივ , მიზნის მიღწევა და მეორე მხრივ- საპირისპირო მხარესთან უკვე  არსებული ურთიერთობების სტრადეგიით მოქმედება

 

2012 წლის 30 მარტი

30 მარტს, პარასკევს, სამოქალაქო განათლების პედაგოგთა გადამზადების პროგრამის ფარგლებში, იმერეთის რეგიონის სამოქალაქო კლუბების აქტიური მოსწავლეები ვიმყოფებოდით ვიზიტით უზენაეს სასამართლოში, სადაც ჩვენ მოგვიწყვეს შეხვედრა საქართველოს უზენაესი სასამართლოს ექსპედიტორ, ინსპექტორ, სხდომის მდივან, თავმჯდომარის მოადგილის თანაშემწეს ბატონ გიორგი შავლიაშვილთან, შეხვედრა მართლაც საინტერესოდ წარიმართა, ბატონი გიორგი გვესაუბრა სასამართლოს რეფორმებზე, ბავშვებიც აქტიურად ჩავერთედ საუბარში, დავუსვით კითხვები რაც გვაინტერესებდა და რისი გაგებაც გვსურდა. თითქმის ყველა კითხვაზე ბატონმა გიორგიმ ამომწურავი პასუხები გაგვცა, ამის შემდგომ ჩვენ დავამთვალიერედ სასამართლო, მოვინახულეთ ის ადგილები სადაც ილია ჭავჭავაძის მკვლელი გაასამართლეს, სადაც გადაღებულია ფილმი „მონანიება“ და ბოლოს თითოეულ მოსწავლე დაგვასაჩუქრეს ძალიან საინტერესო წიგნებით. წამოსვლისას შვენ ვიმყოფებოდით სამების წმინდა საკათედრო ტაძარში, ასევე ვეწვიეთ მცხეთას, მოვინახულეთ სვეტიცხოველი და სამთავროს დედათა მონასტერი.

ვიზიტით გავიღრმავე ცოდნა, გავიგე იმაზე მეტი რაც ვიცოდი უზენაეს სასამართლოზე, მოვინახულე ის ადგილები რაზედაც ბევრი მსმენია მასმედიის საშუალებით, ისე ნათქვამია და სწორია „ასჯერ გაგონილს ერთხელ ნანახი ჯობიაო“.     
ძალიან დიდი მადლობა  მინდა გადავუხადო PH-საქართველო,USAID, “CiVil Kedec” ასეთი მშვენიერი დღის ჩუქებისთვის.

ოსვენციმის საკონცენტრაციო ბანაკის კომენდატის ჩანაწერებიდან

1942 წლიდან გერმანიასა და დაპყრობილ ტერიტორიებზე ნაცისტებმა დაიწყეს ტყვეთა ვაგონებში შეყრა და საკონცენტრაციო ბანაკებში გადაყვანა. მათ ეუბნებოდენ, რომ შრომით ბანაკში მიჰყავდათ.
სასიკვდილო ბანაკები ისე იყო მოწყობილი, რომ ერთი შეხედვით ეჭვს არაფერი იწვევდა. ტყვეებით სავსე მატარებელი ჩერდებოდა სადგურში , სადაც ქალებსა და კაცებს აცალკავებდნენ და მიჰყავდათ ბანაკებში. ბანაკებიდან ტყვეები ჰიგიენურ პუნქტებში გადაჰყავდათ, სადაც ისინი შიშვლდებოდნენ ვითომდა საბანაოდ და დეზინფექციის მიზნით შედიოდნენ დიდ ფარდულებში. იქ ნაცისტები ჯერ რეზინის მილებით წყალს მიუშვებდნენ ტყვეებს, შემდგომ კი გაზს გამოუშვედნენ. სველი ადამიანები მალე იღუპებოდნენ მხუთავი აირით. მათი ტანსაცმელი და ნივთები გადაირჩეოდა, ვარგისი ნივთები გერმანიაში იგზავნებოდა. უსარგებოლოდ მიჩნეული (საოჯახო სურათები, პასპორტები, საბუთები) კი იწვებოდა.

ოსვენციმში მოსაწყენად არ მეცალა. მოდიოდა და მოდიოდა ხალხის ნაკადი. მევალებოდა დასახული ამოცანის უნაკლოდ შესრულება. მე გულგრილად უნდა მეყურებინა, მეთვალყურეობა უნდა გამეწია, თუ როგორ შედიოდნენ გაზის კამერებში დედები ატირებულ ბავშვებთან ერთად. დღე და ღამე საათობით მიხდებოდა ფეხზე დგომა. ჭუჭრუტანიდან ვაკვირდებოდი ტყვეთა გაგუდვის პროცესს, რომ არავინ გადარჩენილოყო ცოცხალი.
ჩემო ოჯახი იქვე ცხოვრობდა. როდესაც ვხედავდი, თუ როგორ თამაშობდნენ ჩემი ბედნიერი შვილები და ვუყურებდი ჩემი ცოლის მშვიდ სახეს, ვეკითხებოდი ჩემს თავს, კიდევ რამდენ ხანს გაგრძელდება ჩევენი ბედნიერება?
ოსვენციმის საკონცენტრაციო ბანაკის კომენდატის
ჩანაწერებიდან

,,ფუტკარი”

      ,,ფუტკარი და მეფუტკრეობა”

„ფუტკარი სარგებლიანი, რომლისა თაფლი ვიეთთა ადგილთა, ვითარცა შაქარი შეყინებული და სპეტაკი და ცვილთა სიმრავლე არს. ხოლო არს შემკობილი მთითა და ბარითა, რამეთუ არა არს ადგილი, რომლისა მთაბარი არა იყოს ესრეთი რამეთუ ორს, სამს,ექვს ჟამს მთიდან ბარს და ბარიდან მთას არა მოიწეოდეს“
ვ ა ხ უ შ ტ ი  

გეპატიჟებით ,,მარელისში”

უმშვენიერესი ბუნების წიაღში, გოლიათი მთების გრანდიოზულობასა და სიმწვანეში გამჭირვალე თვალივით ბრწყინავს საქართველოს ერთ–ერთი გამორჩეული კუთხე–იმერეთი
მისი პირველყოფილი ბუნების განუმეორებელი მშვენიერება, გიჟმაჟი მდინარეები მთის ფერდობებს ბუდეებივით შეხიზნული კოპწია იმერული ოდა–სახლები, გამორჩეული სტუმართ–მასპინძლობის წესი და დახვეწილი ზემო იმერული სიდარბაისლე ოდიდგანვე იპყრობდა მნახველის გულსა და თვალს. აქ რაღაც საოცარი, პირველქმნილი მშვენიერებით საუკუნეების განმავლობაში შენარჩუნებულ იქნა ბუნებისა და ადამიანების სიწმინდე, სიდიადე, სრულყოფილება.

შიდსი

1. რა არის შიდსი?
2.როგორ გადაეცემა შიდსის ვირუსი?
3. რა სიმპტომები ახასიათებს შიდსს?
4. ვინ მიეკუთვნება შიდსის მაღალი რისკის ჯგუფებს?
5.შიდსის გავრცელების რა ხელშემწყობი ფაქტორები მოქმედებს საქართველოში?
6.როგორ ხდება ადამიანის ინფიცირების დადგენა?
7. შეიძლება შიდსისგან განკურნება?
8. როგორ დავიცვათ თავი შიდსისაგან?

რა არის შიდსი?
შიდსი (შეძენილი იმუნოდეფიციტის სინდრომი), რომელსაც ხალხმა 20 საუკუნის შავი ჭირი უწოდა, სადღეისოდ მიჩნეულია კაცობრიობისთვის ყველაზე დიდ საფრთხედ თერმობირთვული ომის შემდეგ. ეს არის ინფექციური დაავადება, რომელსაც იწვევს ადამიანის იმუნოდეფიციტის ვირუსი (აივ). ეს ვირუსი უშუალოდ აზიანებს ადამიანის დამცველ, ე. წ. იმუნურ სისტემას და მწყობრიდან გამოყავს იგი, რის შედეგადაც ინფიცირებულ პირს ადვილად უჩნდება სხვადასხვა ინფექციური ან სიმსივნური დაავადებები, როგორც წესი, სასიკვდილო შედეგით.
თანამედროვე კლასიფიკაციით დაავადებას ეწოდება ადამიანის იმუნოდეფიციტის ვირუსული ინფექცია (აივ ინფექცია), ხოლო საკუთრივ ტერმინით ”შიდსი” აღინიშნება დაავადების მხოლოდ ბოლო სტადია, როდესაც გამოიხატება დაავადების ძირითადი კლინიკური ნიშნები.

შიდსი რეგისტრირებულია მსოფლიოს ხუთივე კონტინენტის 206 ქვეყანაში. ოფიციალური მონაცემებით, სადღეისოდ მსოფლიოში შიდსის ვირუსით ინფიცირებულია 20 მილიონამდე ადამიანი, მათგან 80% სქესობრივი გზით დაავადდა. (აქედან 70% ჰეტეროსექსუალურ, ხოლო 10% ჰომოსექსუალურ კავშირებზე მოდის ). აივ-ით ინფიცირებულია მსოფლიოში აღრიცხულ ნარკომანთა 80%.

როგორ გადაეცემა შიდსის ვირუსი?
ცნობილია შიდსის ვირუსის გადაცემის სამი გზა:
1.სქესობრივი კონტაქტით (ვაგინალური, ანალური და ორალური);
2.ინფიცირებული სისხლის ან მისი ცალკეული კომპონენტების გადასხმით (აივ ინფიცირებულის სისხლით დაბინძურებული შპრიცის, ნემსის და სხვა სამედიცინო. ინსტრუმენტების გამოყენებისას);
3. ინფიცირებული დედიდან ნაყოფზე ან ახალშობილზე გადაცემის გზით (მუცლადყოფნის, მშობიარობის ან ძუძუთი კვების დროს).

ჩვენ ვზეიმობთ ქიმიის საერთაშორისო წელს

2011 წლის 25 დეკემბერს, “ვისწავლოთ ხალისით – ელემენტთა პერიოდულობის სისტემა” (იხ. დანართი) გამოვლინდნენ გამარჯვებულები.

ქიმიის დღის კონკურსის გამარჯვებულები გახდნენ:

კონკურსი “ვისწავლოთ ხალისით: ელემენტთა პერიოდული სისტემა”

1. ბესიკ ექსეულიძე, ზესტაფონის 6–ე საჯარო სკოლა

2. შალვა თანდილაშვილი, ველისციხის საშუალო სკოლა

2. ჯიმი გოგიტიძე და ლანა ოქროპირიძე, შპს ფარნავაზი, ქობულეთის საერო სკოლა

3. მარიამ გიგაური, გიმნაზია “აია–GESS”

კონკურსი “ქიმია და ეკონომიკა”

1. მირანდა სკაჩკოვა

2.მარიამ ზარიძე და ნია თოდუა, თბილისის 24–ე საჯარო სკოლა

3. ნინო ქავთარაძე, თიკო კაჭკაჭიშვილი და მილანა ფერანი, თბილისის 146–ე საჯარო სკოლა

ნომინაცია “კრეატიულობა” – ნანა მახარაშვილი, რუსთავის ქართულ–უკრაინული სკოლა

ქიმიის ტესტირება

7–9 კლასის მოსწავლეები

1. ანი პაპიძე, თბილისის 179–ე საჯარო სკოლა

2. ნიკა გოგაშვილი, თბილისის 157–ე საჯარო სკოლა

3. ქეთევან ჩახნაშვილი, თბილისის 157–ე საჯარო სკოლა

10–12 კლასის მოსწავლეები

1. თინათინ ხაჩიძე, თბილისის 124–ე საჯარო სკოლა

2. ალექსანდრე აზიზიანი, თბილისის 157–ე საჯარო სკოლა

3. საბა გოგოლაური, თბილისის 124–ე საჯარო სკოლა

გილოცავთ და გისურვებთ წარმატებებს, ბედნიერ შობა–ახალ წელს 🙂

მადლობას ვუხდით ქალბატონებს მარინა სოსელიას, თამარ თათრიშვილს, ნაირა ნარიმანიძეს, მაია რუსიას და მარინა ლომოურს დახმარებისათვის,

თსუ პროფკავშირებს ოთხი გამარჯვებული მოსწავლის “ქიმიური ენციკლოპედიით” დაჯილდოებისათვის

საუკეთესო სურვილებით,

ხათუნა კახიანი

ქიმიის დღე სამახსოვროდ

http://www.slideboom.com/player/slideboom_medium_blue.swf?id_resource=471071 ავტორი: ბესიკი ექსეულიძე

ქართული სამართალი

   ქართული სამართალის  უძველესი ძეგლია უცნობი პირის მიერ VI ს.  შექმნილი “დიდი სჯულის კანონი“,  რომელიც განსაკუთრებით გამოიყენებოდა  VII საუკუნიდან კონსტატინეპოლის სამწყსოს ეკლესიებში.

     მსოფლიო ეკლესიის კანონმდებლობათაგან გამოცემულია „წესი და განგება და სჯულის კანონი მეექუსისა კრებისა“ და „კანონი შეცოდებულთანი“, რომლებიც ეფთვიმე თაწმინდელის მიერ იყო თარგმნილნი. ძვირფას ცნობებს  შეიცავს ქართული საერო სამართლის ისტორიისათვის „რუის-ურბნისის 1103 წ. კრების „ ძეგლისწერა“, რომელსაც ბოლოს დართული აქვსდავით აღმაშნებლის მიმართ წერილს „მეფესა დავისთ მონზონი არსენი“, რაც ამ ძეგლის  მის მიერ შედგენის მაჩვენებელია.

     მეტად საინტერესოა კერძოდ ,  საოჯახო სამართლის საკითხები, ქორწინების წესები. ქრისტიანობამ ბევრი წარმართული წესები უარყო და საეკლესიო ლოცვა-კურთხევა, გვირგვინთა კურთხევაც აუცილებელ პირობად გახადა, თუმცა ქალის მოტაცებით ცოლად შერთვა უკანონოდ ითვლებოდა და ქართული სამართალი ამას ებრძოდა. ხოლო განშორებისას ქმარს ცოლისათვის ყველა მირთმეული სამკაული უკან უნდა დაებრუნებია. ასე მოიქცა ვარსქენი, როდესაც რელიგიური უთანხმოების გამო მას სამკაულები უკან დააბრუნებინა. სამაგიეროდ აღბუღას სამართალი შვილების კუთვნილებაში დედას ანიჭებს (მუხლი 31), დარომ „პირველად  დიაცი ქმრისა გაგდებასა არ ღირს“(მუხლი 32). ასევე „სამართალი კათალიკოზთა და კრებათა მიერ“  აცხადებს: „რომელმან უბრალოდ ცოლი გააგდოს შეჩუენებულიმცა არის წმინდათა მოციქულთაგან და სიკუდილთა განიპატიჟოს“. ამ მუხლის ადგილმდებარეობაც მისი დანართობითაც  მომასწავებელია და ის მოულოდნელი  სიმკაცრეც, რომელიც ამ დანაშაულისათვის დაწესებულ სასჯელში მოჩანს:ცოლის გაგდებისათვის  სიკვდილის განჩენა იმ საკანონმდებლო კრებისაგან, რომელიც ძმისა და თვით მამის მკვლელობისათვის კი მხოლოდ ხელის მოკვეთა და მამულისაგან გაძევება დააწესა.

    

დასვენება

თანამედროვე ადამიანის ცხოვრება დაძაბულია: მას ეჩქარება სამსახურში, სწრაფად ჭამს, ნორმალურად ვერ ისვენებს, ადამიანის ჯანმრთელობისათვის კი ყველაზე დიდი მნიშვნელობა აქვს დასვენებას.

ცხოველებზე ჩატარებული დაკვირვების შემდეგ მეცნიერებმა დაადგინეს, რომ სხეულის მოდუნების ყველაზე დიდი უნარი აქვს ვეფხვს და ავაზას. დავაკვირდეთ კატას, როგორ იწელება მისი სხეული და როგორ დუნდება ის დასვენების დროს. თუ დაიღალეთ და დასვენება გსურთ, შეეცადეთ მას მიბაძოდ. დაწექით იატაკზე გულ-აღმა, გამართეთ ხელები თავს ძემოთ და დაჭიმეთ ისინი. რაც შეიძლება ძლიერ დაძაბეთ მთელი სხეული; შემდეგ მკვეთრი მოძრაობით დაუშვით ხელები სხეულის გასწვრივ და მოდუნდით, დახუჭეთ თვალები მთელი ყურადღება ფეხის თითებისაკენ გადაიტანეთ, მოადუნეთ ისინი, ასევე უნდა მოადუნოთ ზურგი, ხერხემალი, მხრები, ხელის მტევნები,, თითები და სიმძიმეს აღარ იგრძნობთ. დარჩით ამ დგომარეობაში რამოდენიმე წუთს. სანამ ადგებოდეტ, გაიჭიმეთ, დაამთქნარეთ, გადაბრუნდით მარჯვენა მხარეს და მოიხარეთ, შემდეგ წამოჯექით და ნელა ადექით.
თუ ამ ვარჯიშს ყოველდღე შეასრულებთ , შეძლებთ დასვენების ხელოვნების დაუფლებას.

ყურადღების კონცენტრაცია

აზრის კონცენტრირების უმაღლესი საფეხურია „მედიტაცია“, ანუ ღრმად ჩაფიქრება, რასაც ვარჯიშების შესრულებისა და თვით აზროვნებისთვისაც დიდი მნიშვნელობა აქვს.
იმისათვის, რომ მიაღწიოთ აზრის სრულფასოვან კონცენტრაციას, ვარჯიშებისთვის უნდა შევარჩიოთ შესაფერისი ადგილი, წინააღმდეგ შემთხვევაში, ყოველგვარი ვარჯიში შესრულდება მექნიკურად და უმიზეზოდ, ხოლო ეფექტიანობა უმნიშვნელო იქნება. ამიტომ, კონცეტრირებისათვის შევარჩიოთ მყუდრო ადგილი, დამწყებთათვის შესაფერის ადგილად შეიძლება გამოდგეს მყუდრო ოთახი, სადაც მეცადინეობის დროს არავინ იქნება. ყურადღების კონცენტრაცია შეიძლება განვახორციელოთ ტყიან ადგილზე. იგი ეფექტიან გავლენას ახდენს ტვინის მოქმედებაზე, რადგან ავითარებს არა მარტო ყურადღებას, არამედ ნებისყოფას, აზრთა კონცეტრირების უნარს, სწრაფვას და წარმოსახვას.
ანთებულ სანთლის ალი მოათავსეთ თვალების დონეზე და დააშორეთ თვალებიდან 50 სანტიმეტრიდან 1 მეტრამდე. ფართოდ გაღებული თვალებით დააკვირდით ალის ცენტრს, სანამ თვალები არ დაგეცრემლებათ. დახუჭეთ თვალები. კაშკაშა ობიექტზე ხანგრძლივი დაკვირვების შემდეგ წინ რჩება მისი ნათელი „კვალი“, რომელმაც უნდა გააღიზიანოს ტვინის მხედველობითი ცენტრები. შეეცადეთ გადაიტანოთ ეს ნათელი „კვალი“ წარბთაშორის მანძილში, თავიდან კვალი ნათელი იქნება, შემდეგ თანდათან გაფერმკთალდება და გაქრება. გაიმეორედ ვარჯიში. ჩაატარეთ ვარჯიში ყოველდღიურად, სანამ არ გამოიმუშავებთ უნარს უყროთ ალს 10-12 წუთის განმავლობაში თვალდაუხამხამებლად. რამოდენიმე ვარჯიშის შემდეგ თქვენ აღმოაჩენთ, რომ ნათელი „კვალის“ ცენტრი გარშემორტყმულია მრავალი უფრო მკრთალი ნათელი წერტილით. ნუ მოაშორებთ მზერას ცენტრალურ წერტილს. ბოლოს როდასაც მიაღწევთ იმას რომ დაინახავთ მხოლოდ ნათელ წერტილს სანთლის ადგილას, შეგიძლიათ ჩათვალოთ რომ დაეუფლეთ ამ ვარჯიშს. ვარჯიშის სრული დაუფლება მოხდება მაშინ, როდესაც გაგიჩნდებათ შეგრძნება თითქოს „იფლობით“ ამ წერტილში ან უერთდებით მას.
ეს ვარჯიში როგორც მოგახსენეთ ეხმარება ადამიანს ყურადღების კონცეტრირებაში.

„ბუნება“

“მედიცინა მკურნალობს“, ხოლო ბუნება კურნავს“, ამბობდნენ ჩვენი წინაპრები და და მართალიც იყვნენ. ექიმი ფლობს სკალპელს, ქმნის სამკურნალო პირობებს, დანარჩენი კი ბუნების საქმეა. მოტეხილ ძვალს ასწორებს ექიმი, მაგრამ ძვლის შეზრდის პროცესს სასიცოცხლო ძალა ახორციელებს.

ქვის ბზარში მოხვედრილი თესლი იწყებს გაღვივებას-ხეთქავს ქვას და მიიწევს მზის სხივებისაკენ, ე.ი. სიცოცხლისაკენ. ამას ბუნება კარნახობს. ცივილიზაცია კი ადამიანს არასწორი ცხოვრებისაკენ უბიძგებს. ჩვენ არ ვცხოვრობთ, არ ვჭამთ. არ ვსვამთ, არ ვიცვამთ, როგორც ამას ბუნება მითხოვს. ცივილიზებულ ადამიანთა უმრავლესობა ნაკლებად მოძრაობს, სარგებლობს ლიფტით, ტრანსპორტით, მოკლე მანძილზეც ერიდება ფეხით სიარულს, რითაც იზიანებს საყრდენ- სამოძრაო აპარატს.
საყრდენ-სამოძრაო აპარატს დიდი მნიშვნელობა აქვს ადამიანის ჯანმრთელობისათვის. რადგან ძვლის სისტემას, სახსრებს, ჩონჩხის კუნთებს უდიდესი ანატომიური და ფუნქციური რეზერვები აქვს. კუნთების მოძრაობის უკმარისობა აავადებს სხვადასხვა პროფესიის ადამიანებს, რომლებიც არ არიან ფიზიკურად დატვირთულნი.
მეცნიერულად დადგენილია, რომ იმ ადამიანებს, რომლებიც ნაკლებად მოძრაობენ, შეიძლება გადაუგვარდეთ კუნთებისა და ძვლის ქსოვილი, დაუქვეითდეთ ფილტვების სასიცოცხლო ტევადობა, და რაც მთავარია, მოეშალოთ გულ-სისხლძარღვთა სისტემა, რომელიც მჭიდროდაა დაკავშირებული ჩონჩხის კუნთოვან სისტემასთან.
კუნთების აქტიურობა არეგულირებს გულის მოქმედებას როგორც რეფლექსურად, ისე ჰომურალური გზით. გულ-სისხლძარღვთა ჰიპოდინამიის დროს გული კარგავს მოქმედების უნარს, რაც იწვევს გულ-სისხლძარღვთა სხვადასხვა დაავადებებს.
რაც უფრო ასაკში შედის ადამიანი, მით უფრო ნაკლებს მოძრაობს და უფრო ნოყიერ საკვებს იღებს. ასეთი შეფარდება მავნეა არა მხოლოდ იმიტომ, რომ მაღალკალორიული საკვები და მცირე ფიზიკური დატვირთვა ასუქებს და აჩლუნგებს მას, არამედ იმიტომაც, რომ ამ დროს არ სრულდება კუნთების მრავალი სასარგებლო მოქმედება, რომელიც ასე საჭიროა ორგანიზმისათვის.
ფიზიკური მოქმედება არა მხოლოდ კუნთოვანი სისტემის, არამედ ყველა საბჭოთა სასიცოცხლო ორგანოების მოქმედებას აუმჯობესებს.

,,იოგა” ჯანსაღი ცხოვრების წესი

      რა არის იოგა?
„იოგა“ სანსკრიტული სიტყვაა და ფართო მნიშვნელობით ნშნავს კავშირს, ერთობას, გონების კონცეტრირებას, ძალას, მაშასადამე ყველაფერს ერთად თავმოყრილს, რაც ადამიანის სრულყოფისათვის აუცილებელია.
იოგების მოძღვრება მეცნიერებაა, ხოლო იმათ, ვინც ამ მოძღვრებას მისდევს, ეწოდებათ „იოგები“. იოგას არავითარი კავშირი არ აქვს რომელიმე რელიგიასთან ან ეროვნებასთან, ამიტომ მისაღები და სასარგებლოა ყველასათვის. იოგა ფიზიკური და სულიერი კულტურის სისტემაა. ის ადამიანები, რომლებიც იოგას ფილოსოფიით არიან გატაცებულნი და ამ სისტემით ხელმძღვანელობენ, სხვებისაგან განსხვავდებიან, გამოირჩევიან ჯამრთელობით და დღეგრძელობით. მაგალითად, ერთ–ერთი იოგისტი კრიშნა კუვალაინანა შესანიშნავად გამოიყურებოდა მის ასაკთან შედარებით, სპორტული მიხვრა–მოხვრით 60–65 წლის მამაკაცს ჰგავდა. არადა უკვე 126 წლის იყო.
 იოგის მოძღვრების დედააზრი მოკლედ შეიძლება შემდეგნაირად გამოვხატოთ: იოგა სიცოცხლის ხელოვნებაა. მაგრამ ამჯერად მხედველობაში გვაქვს არა მხოლოდ სიცოცხლე, არამედ გონიერი, ჯანსაღი და დღეგრძელი სიცოცხლე      
  სუნთქვა
ვიდრე ვარჯიშს დავიწყებდით, სწორი სუნთქვა უნდა ვისწავლოთ. ცხვირით სუნთქვა სწორი სუნთქვის პირველი და მნიშვნელოვანი ფაქტორია, ცხვირით სუნთქვას ის უპირატესობა აქვს პირით სუნთქვასთან შედარებით, რომ ამ გზით ფილტვებში მოხვედრილი ჰაერი ცხვირის ღრუს ლორწოვანი გარსის სისხლძარღვთა მდიდარი ქსელისა და ბუსუსების საშუალებით თბება და იწმინება. ცხვირით სუნთქვა აქტიურად მონაწილეობს თავის ტვინის სისხლის მოძრაობის რეგულაციაში.

შევაჩეროთ ძალადობა ზესტაფონის 6 საჯარო სკოლა

კვების ჰიგიენა

ადამიანის დღეგრძელობისათვის უდუდესი მნიშვნელობა აქვს სწორ კვებას. „სწორი კვება“ გულისხმობს როგორც კვების რეჟიმის დაცვას, ასევე კვების პროდუქტების რაციონალურ გამოყენებას.
საჭმელი უბრალო და ბუნებრივი საკვებისაგან უნდა იყოს მომზადებული. დასაშვებია შერეული კვება. უხორცო დიეტა აუცილებელი არ არის. ხორცის მიღების ფორმები დამოკიდებულია კლიმატურ პირობებზე. მაგალითად, ტროპიკულ ქვეყანაში ხორცი არასასურველია და ხშირად-მავნეც. ბევრ ტროპიკულ ქვეყანაში ღორის ხორცის ჭამას რელიგია კრძალავს. რაც უფრო ცივია კლიმატური ზონა მით უფრო გამართლებულია ხორცის ჭამა. ჩრდილოეთის ხალხი იძულებულია ჭამოს ხორცი, საქონლის ქონი, რათა პოლარული სიცივის პირობებში შეინარჩუნოს ორგანიზმის ტემპერატურა. წარმოიდგინეთ რა მოუვიდოდა ესკიმოსს, მისთვის მსუქანი ხორცის ჭამა რომ აეკრძალათ. რა თქმა უნდა, დაიღუპებოდა.
ჯანმრთელობისათვის ყველაზე საჭირო პროდუქტია ლიმონი. სპეციალისტები რევატიზმით დაავადებულებს ურჩევენ დღე-ღამეში 2-3 ლიმონის წვენის მიღებას. ზედმეტმა სიჟავემ ორგანიზმს ზიანი რომ არ მიაყენოს, საჭიროა ლიმონის წვენის თაფლში არევა. სასარგებლოა აგრეთვე თაფლში არეული ლიმონის გახეხილი კანიც.
საჭმლის მიღება დამოკიდებულია იმაზე თუ როგორ სამუშაოს ასრულებს ადამიანი-ფიზიკურს თუ გონებრივს, სად მუშაობს შენობაში თუ სუფთა ჰაერზე.

ბავშვთა უფლებების დაცვა თანამედროვე საქართველოს კანონმდებლობაში

     1955 წლის 20 ნოემბერს გაეროს გენერალურმა ანსამბლეამ მოიწონა „ბავშვთა უფლებების დეკლარაცია“,  ხოლო 1989 წლის 20 ნოემბერს – ერთხმად მიიღო „კონვეცია ბავშვთა უფლებების შესახებ“. მის საფუძველზე სამოქალაქო საზოგადოების მზრუნველობის ერთ-ერთი უმნიშვნელოვანესი სუბიექტია ბავშვის უფლებების დაცვა , რომეილც „ბავშვთა უფლებების კონვეციაშია“ ჩამოყალიბებული: 18 წლამდე ასაკის ყველა ადამიანი ითვლება ბავშვად (მუხლი 1); ყველა ბავშვს თანაბარი უფლებები აქვს. არც  ერთი ბავშვი რასის, კანის ფერის,  სქესის, ენის, რწმენის, პოლიტიკური ან სხვა შეხედულობების, ეთნიკური ან სოციალური წარმოშობის, ქონებრივი მდგომარეობის მიუხედავად არ უნდა განიცდიდეს არავითარ დისკრიმინაციას (მუხლი 2); ყველამ, ვისაც აკისრია ბავშვების დაცვა და მის კეთილდღეობაზე ზრუნვა, ნებისმიერი ქმედებისას უნდა გაითვალისწინოს ბავშვის უპირატესი ინტერესები; სახელმწიფო ვალდებულია უზრუნველყოს ბავშვების დაცვასა და მეურვეობაზე პასუხისმგებელი  ინსტიტუტების შესაბამისობა სტანდარტებთან , განსაკუთრებით ჯამრთელობის და უსაფრთხოების სფეროში (მუხლი 3);  მონაწილე სახელმწიფოებმა უნდა გამოიყენონ მათ ხელთ არსებული ყველა საშუალება კონვეციაში არსებული უფლებების დასაცავად (მუხლი 4). სახელმწიფო მოვალეა პატივი სცეს და  დაიცვას ბავშვის უფლება, შეინარჩუნოს მისი ინდივიდუალურობა (მუხლი 8) და რაც მთავარია: ყველა ბავშვს აქვს სიცოცხლის უფლება (მუხლი 6) და ყველა ბავშვი სოციალურად უზრუნველყოფილი უნდა იყოს (მუხლი 26);

თამაში „გო“

თამაში  „გო“

„გო“ ძველი დროიდანვე პოპულარობით სარგებლობდა იაპონიაში. ვარაუდობენ, რომ ეს თამაში 1300 წლის წინათ შეომოიტანეს ჩინეთიდან. პირველ ხანებში დაცული იყო ჩინური მანერა,  მაგრამ თანდათანობით თამაშმა მოდიფიკაცია განიცადა და შეითვისა სპეციპიკური იაპონური ფორმები.

ფული